jueves, 24 de julio de 2008

Non xogaremos esta partida

Ti sabes que esta noite non se fixo para perdela, que hai momentos máxicos que se non os aproveitas escórrense como area entre os dedos e xamais os volves a atopar.
Tamén sabes que cando o sol rache as tebras e comece un novo día todo se verá doutra forma: ti xa non serás tan fermosa nin eu tan simpático; as rúas poeirentas non serán autoestradas cara o sétimo ceo; esta desordenada habitación nada terá que ver co paraíso; e os periódicos de quiosqueiro madrugador seguirán ulindo a trilita e sobresaltos, falando da traxedia das pateras, da crise económica, de políticos corruptos e mortes por malos tratos.
Ti sabes que non podemos empeñar o futuro cun amor a fondo perdido de dúas persoas que vimos de volta dun camiño cara ningures, precisamente agora que a subida dos tipos de xuro poñen tan caro o pago da hipoteca dos sentimentos.
Tamén sabes que esta non é a nosa partida, que podemos gañar algunhas mans pero non tería moito mérito porque, o fin e o cabo, os dous xogamos ( e sabémolo) coas cartas marcadas.

29 comentarios:

Silvana dijo...

"Cuando brille el sol te recordaré si no estás aquí, cuando brille el sol, olvídate de mi ...." Non sei si esta canción querería dicir o mesmo.

Mer dijo...

chegoume

fermoso

triste

a amargura do destempo

envíoche un aloumiño, se foches quen de escribir isto, necesitaralo

Veca dijo...

Xogar coas cartas marcadas case sempre leva un bó resultado ao final da partida; na vida real, como sigamos así, non ha de valer moito con que cartas xogamos.

HADEX dijo...

Pero se xogas coas cartas marcadas...onde queda o azar??

Carlos Sousa dijo...

Moi fermoso, pero é o que ti dis, si están marcadas, non ten moito merito gañar un par de mans,sempre e cando, estén marcadas ó teu favor, pois si non..

Paquito de Penas dijo...

Os humanos sempre temos certa tendencia a entender millor as cousas do desamor. O amor puro supéranos e convírtenos en suxetos irracionales e irreflexivos. De aí, que moita xente lle teña verdadeiro pánico ao amor e prefira xogar coas cartas marcadas.
Non sei, digo eu, tampouco me fagas moito caso porque eu amo cos ollos pechados e coas mans abertas.
Xúroche que hoxe aínda non bebín :-)
Bicos e apertas.

LM dijo...

ganhar nom sempre é o importante... nas cartas e no amor ás vezes compensa máis o sorriso do outro. beijos

Marinha de Allegue dijo...

A importancia de otorgarlle atención a cada intre é indiscutible, non se repiten, non voltan...

Unha aperta raposo.
:)

A Conxurada dijo...

Coñezo perfectamente esa sensación de que unha relación ten data de caducidade...pero aínda así é tan difícil por punto final.

Anónimo dijo...

Sempre se dixo que o importante é participar, coa vida o importante é vivila...non importa tanto gañar ou perder

Bicos

Manel Vázquez dijo...

se non te achicas e asistes sempre ó pao, ás veces, de pouco valen as cartas marcadas, un cae engaiolado no xogo.

Ex Traño dijo...

xa que temos as cartas marcadas, aproveitemos que non podemos perder...
demasiado

e ainda que loitando, aprendamos a desfrutar diso que a vida nos regala....

un placer leer o que produce esa cova en ti apertas irma raposo

vermella dijo...

No amor e nas cartas dísfrutase tanto gañando como perdendo....
bico.

Mr Tichborne dijo...

o importante non é gañar, é xogar.

d´Agolada dijo...

Eu prefiro xogar coas cartas sen marcar, a emoción mentres que a levantas merece a pena, igualmente pasa coa vida, as sorpresas alédannos o día. Apertas

Mer dijo...

Di aquela canción de Loquillo que a mín tanto me gusta:

"Si quieres marcar mis cartas, me conoces muy mal, mira al cielo y verás mi estrella brillar y brillar"


unha aperta

Zeltia dijo...

Saber xa de antes cara a onde vai ir o xogo; empezar sabendo ata onde imos chegar. ¿E que é posible non pensar así cando se xogaron moitas partidas?
Perguntome se sería posible recobrar a inocencia, que o dia o disipar as sombras non mostrase a realidade, ou que a realidade fose outra...
mo triste o texto, raposiño. Ou a mín parecemo. Por contraposición a inxenuidade e a loucura

Lúa dijo...

que razón....apertas

Zeltia dijo...

tchsss!! ainda non hai entrada nova!
:p
saudos.

Torreira dijo...

To be or not to be...isa e a cuestión,compañeiro.Apertas e moito moito LK (en vran cunha pedar de xeo)

Manuel L. Rodrigues dijo...

ben, pois eu tamén me apunto ás mostras de consolación.

...enfín

Saúdos e parabéns polo escrito (que é o que conta)

pepe penas dijo...

se as cartas están marcadas poder chegar un dia no que non gañe ningún dos dous.

tertulias para perogrullos dijo...

Hola, soy d´Agolada en mi nuevo blog, pásate a visitarlo si te apetece. Saludos

eNmEiGaDa dijo...

Prefiro xogar con elas sen marcar... nunca sabes o que pasará! e moitas das veces o prefiro así! ;)

Suso Lista dijo...

Que mais da que estean as cartas marcadas, o caso é xogar.

vakastolas dijo...

As cartas poden estar marcadas pero sempre as pode levar o vento e aínda por riba non é difícil caer no tan ben coñecido por todos "fallo humano". En fin, que nunca se sabe...

Ra dijo...

Bravo, Sr. Raposo. Pero sinceramente bravo.

Apertas.

Anónimo dijo...

o Sabina de Barantes

Anónimo dijo...

o sabina de barantes