Obxectos
máxicos
A bicicleta
un animal mitolóxico
ó que había que domar
buscándolle as cóxegas ó vento
desafiando o perigo das baixadas
á velocidade límite
arriscando nas curvas
e mostrando as mancadelas
dos xeonllos coma un trofeo
de valor e ousadía.
E o balón de coiro
co que gañar os partidos
de fútbol do domingo
imaxinando que levaba ás costas
o número 9
coma un tal Santillana.
Do poemario "Cartografía da infancia", incluído no libro "Zocas e decibelios"
2 comentarios:
Bo día, como me prestou esta entrada. Lembrar os xogos da infancia... agora só ves os meniños pegados a trebellos...
Grazas por compartir.
Un saúdo da Maruxinha.
Grazas, Maruxinha. Apertas!!
Publicar un comentario