domingo, 29 de diciembre de 2013

PREMIO "LEIRAS PULPEIRO": CICATRICES DO INSOMNIO, IV

Cuarto poema

QUEBRACABEZAS

Tento recompoñer os anacos
deste quebracabezas inacabado
de présas, horarios, artigos de oferta,
a sede, o asombro cotián,
semáforos de conciencia,
cortes de manga diante do espello,
expedientes, nostalxias, luces de posición,
sabas como bandeiras, mar e escuma,
e a fuxida os venres pola A-52.
Nada cambia,
unha cidade sen datas misteriosas,
unha longa viaxe cara ó inverno
mentres debaixo do silencio
quebran os desertores.
Nunca segundas soidades foron boas,
unha tempestade para facer medrar
o medo de séculos futuros,
e o amor que segue a afogarse
entre coxas de cobre
para librarse da friaxe dos álbums
e dos heroes de plastilina.
Onde atopar abrigo neste bosque en chamas?
Onde buscar saliva neste deserto?
Como un minotauro desenganado
no dédalo desta noite sen sono
busco o verbo que me defina,
o pasadizo que me salve desta derrota na gorxa,
e paro na primeira gasolineira
a repoñer o combustible necesario
para dar chegado a Ítaca,
o derradeiro refuxio para os homes
que queren (e non poden)
seguir sendo nenos.

lunes, 23 de diciembre de 2013

INDIVIDUO SOSPEITOSO EN DOADE

Nun carreiro dos arrabaldes de Doade, non moi lonxe dos socalcos que producen o saboroso viño mencía, foi atopado onte á maña cedo, desorientado e cheo de rabuñaduras, un individuo gordo vestido con ridículo traxe de cor vermella.
Non fala galego, máis si castelán e inglés, e dixo chamarse Papá Noel, aínda que non aportou ningún tipo de documentación.
A súa historia é confusa: dixo que viña de moi lonxe, que traía unha morea de agasallos (así pola cara) e que se perdeu preto da Abeleda. Dixo que viaxaba nun carro tirado por renos e que, por mor da mala sinalización, o exceso de velocidade e o luscofusco, non deu collido unha curva preto da ponte e alá foron, o fondo do Sil, o carro e os cérvidos mentres el saíu despedido contra unha matogueira de toxos. Dixo que, ferido e confuso, botou a andar sen saber cara onde e que se perdeu na aba do monte.
A policía non dá creto a súa versión e máis ben pensa que, dada a súa pinta de borrachín, andaba á procura da adega Regina Viarum coa idea de meterse nela pola noite e trasfegar uns cuartillos de tinto ó bandullo.
Estase á espera de que cheguen uns mergulladores profesionais desde Cangas do Morrazo para ver se atopan algún resto do accidente/naufraxio. Entrementres, o individuo permanece detido nas dependencias da comisaría de Monforte sen ningunha consideración.



sábado, 21 de diciembre de 2013

PREMIOS EN PARADELA

O xoves 19 estiven en Paradela co gallo da entrega de premios do XVIII Certame Literario Manuel-Oreste Rodríguez López. Ó abeiro de Xulio Xiz e José Manuel Mato compartín un entrañable acto con familiares de Manuel-Oreste e Celso Emilio Ferreiro, e outros premiados como Manrique Fernández, Xosé Farruco Graña e Xosé Otero Canto.
A foto é do libro colectivo que se editou cos traballos premiados neste certame.

domingo, 8 de diciembre de 2013

TERRITORIOS ESTRAÑOS

O vindeiro 23 de novembro tiven a honra de recibir na escola de Guillufe (Gondomar) o VI Premio de Poesía Victoriano Taibo, organizado pola Entidade Local de Morgadáns e o Instituto de Estudos Miñoranos. Aparte da dotación en metálico e unha escultura de Fino Lorenzo, o premio tamén incluía a publicación do libro (este que vedes na foto).
Un acto entrañable no que participaron a banda de gaitas “Balcón do Miñor”,  Elvira Riveiro cunha disertación sobre Taibo e Rosalía de Castro, un recital de Dania D’Alfonso, e o grupo de teatro Bertorella representando  o conto de Taibo “O can de San Roque”.
Máis información aquí.

viernes, 29 de noviembre de 2013

PREMIO "LEIRAS PULPEIRO": CICATRICES DO INSOMNIO, III

Terceiro poema

MANEIRAS DE VIVIR

 Agora que os poetas están en perigo de extinción,
que Satán bufa nun cambio de rasante,
que as bágoas desoriéntanse neste labirinto de beirarrúas,
que a carne de presidio véndese nos supermercados,
que non hai cura para os amores de curso ilegal,
que disparan con balas de fogueo
para esnaquizar as cinzas do futuro.
Agora (cando case todo está perdido)
podo (si queres)
compartir contigo nesta madrugada
a metade do plano dun vello tesouro pirata
(agochado máis alá do faiado dos nosos pesadelos)
e os poucos gramos de cordura que me quedan
nas alforxas desta viaxe a ningures,
e quizais nos sorprenda o amencer
como a dous nenos trastes
xogando en crequenas
cos gastados anos da nosa infancia.
Porque esta maneira de vivir tamén pode ser un camiño.

jueves, 14 de noviembre de 2013

PREMIO "LEIRAS PULPEIRO": CICATRICES DO INSOMNIO, II

Este é o segundo poema:

NO BALEIRO
A esperanza só vive unha vez
e os condenados non a contan.
Quen non ten soños
non poderá inventar o universo.
Só ti e máis eu
compartindo esta vixilia,
este ronsel de vagalumes,
escribindo versos
como puños que sangran,
pintando graffitis
nos muros da soidade.
Só recordos perdidos no tempo.
Ó final todo fica no baleiro,
unha lúa falsa
enganando as pombas solitarias,
unha vida rota
sen puntos suspensivos,
anxos de néboa
entre as mans do vento,
xanelas que se pechan,
ollos húmidos,
e un teléfono soando sen parar
na deserta madrugada.

jueves, 7 de noviembre de 2013

PREMIO "LEIRAS PULPEIRO": CICATRICES DO INSOMNIO, I


En novembro do 2012, o xurado do I Premio de Poesía “Manuel Leiras Pulpeiro”, convocado polo Concello de Mondoñedo, tivo a ben agasallarme co 2º premio pola obra que presentei baixo o título “Cicatrices do insomnio”.
Trátase dun conxunto de 6 poemas que xurdiron de certa noites de insomnio vigués, e que vou ir deixando aquí, na cova, pouco a pouco.
Este é o primeiro:


MENTRES OS DEMAIS DORMEN
De que vale o insomnio mentres medra a dor nesta terra queimada.
De que serve facer prognósticos sobre o tempo,
a densidade do tráfico, a prima de risco,
se en Wall Street os bicos cotizan á baixa
e a roupa interior de Scarlett Johansson
non ten cabida nas deliberacións dos Consellos de Ministros.
De que serve este exilio de trens que non dan chegado,
esta cidade arroutada que baralla
as derradeiras posibilidades para salvarse do colapso,
se as nubes disputan con cipreses os pasos fronteirizos do ceo
e os pactos co diaño non teñen valor legal
agora que estamos perdidos a meses luz de calquera bar.
De que serve a espada que xa non se lembra das gloriosas batallas,
o alcohol que se nos sobe ós pés.
De que serve o orballo no medio de Macondo,
un abanico no incendio de Alexandría.
De que serve o calendario se as andoriñas emigran,
se a tose regresa, se non lembro as onomásticas
e ninguén pon remedio ó cambio climático.
De que serven as présas, os cristais esmagados, o jazz,
as bandeiras nos tellados da penuria,
o musgo apagando o son dos tambores,
escribir para un tempo de escuras moléculas,
rematar o encrucillado,
de que serve o azar nun corazón hipotecado a xuro fixo.
De que serve ser estatua na tormenta,
maldición nos velorios,
cryptonita atrapada na caixa forte dun cuarto de baño,
este desexo de dislocar cordilleiras,
esta ferida sangrando no costado.
De que serve coleccionar fotografías en branco e negro,
descifrar a memoria dos peixes,
apertar o gatillo, disparar cara a dentro.
De que vale este insomnio.

martes, 29 de octubre de 2013

LOU REED


Amou e cantou a New York como ninguén o fixera antes. Camiñou sobre o gume da navalla e reflectiu nas súas cancións o lado escuro da cidade. Coqueteou coas drogas e o alcohol máis do que debera. Abriu camiños imprescindibles na música. Un referente dos últimos 40 anos do rock, pero tamén do punk. Lou Reed, o cantante salvaxe do rock acaba de morrer con 71 anos. Cando empecei a ler as súas cancións souben que tamén era poeta.

martes, 8 de octubre de 2013

O INVENTO DO PICAÑO DE TRES GALLOS

Despois de moito furgar en vellos caixóns e en papeis amarelos e con couza, din co que buscaba. Un escrito datado en 1868 demostra, sen ningún xénero de dúbidas, que o meu tataravó Dositeo Carnero, da casa da Riba, inventou, a idade de 21 anos o picaño de 3 gallos. Invento que revolucionou a arrinca do esterco en Barantes e Santiorxo, espallándose despois coa forza dun tsumani pola parroquias adxacentes. As cortes que antes se tardaba un día en limpar de abono e barreduras agora co novo apeiro na mañá rematábanse. Arrancábanse unhas folerpas grandísimas que case non se daban chimpado enriba do carro.Todos estaban moi contentos, ata os carros cantaban polas congostras que daba gusto oílos. Os homes de Barantes pagaron a escote un folión como nunca antes se recorda e mesmo quixeron nomear ó Dositeo patrón segundo de Barantes, un chanzo por debaixo do San Xoan.
 Ben, todos contentos non estaban: o Pepiño de Cotovío, que andaba sempre ó xornal, ficou amolado porque seica o novo invento lle ía quitar moitas horas de traballo coa correspondente redución de salario, claro; e houbo mulleres, coma Crisanta das Polainas e a Xenoveva dos Hortos, que dixeron que ese era un invento do diaño e que o que tiña que facer o señor cura era excomungar o inventor. Por sorte, o párroco D. Evaristo Hervella, que era home ilustrado, non se deixou levar por esas difamadoras e na misa do domingo dixo que de excomungar nada de nada, que todo o que favorecía ó traballo dos homes era ben visto ós ollos de Deus, agora ben que de nomear patrón de Barantes ó Dositeo tampouco, que a parroquia co San Xoán tiña bastante.
O caso foi que con este invento a arrinca do esterco rematábase antes e os homes tiñan máis tempo libre para ir a cantina beber cuncas de viño e xogar á brisca, coa conseguinte mellora en calidade de vida, agás o Pepiño de Cotovío que como tiña menos cartos ía menos ó chigre, coa conseguinte alegría da súa dona que o tiña máis tempo na casa.
 Non vou pedir ningunha recollida de firmas para o recoñecemento do invento pero prégolle a tódolos homes e mulleres de ben que cada vez que agarren un picaño se lembren do Dositeo e recen un Pai Noso e unha Ave María pola súa alma, que en paz descanse.

sábado, 21 de septiembre de 2013

OUTRO TEMPO

Eramos tan novos,
tan loucos quizais.
o mundo parecíanos pequeno,
desafiábamos as leis da física,
os nosos pés corrían máis cos camiños,
os medos da infancia xa quedaran atrás,
a choiva non nos mollaba,
e polas noites de amor e canutos
xogábamos a apañar estrelas
coas mans que amasan os soños.

domingo, 18 de agosto de 2013

UNHA VISITA INESPERADA

Sobre as 11 da noite estábamos nas hamacas desfrutando dunha noite estrelada e unha temperatura moi agradable cando, aproveitando que a portada estaba aberta, un raposo entrou no patio curioso e decidido. Pensei que se asustaría ó vernos ou ó falarlle, pero non. Indiferente o ser humano recorreu o patio, inspeccionou as cortes e o despoboado galiñeiro, andou o noso arredor, permitiu que lle sacase esta foto co móbil, e cando lle pareceu ben marchouse, un pouco amolado, iso si, porque no seu rastrexar non atopou nada que levarse os fociños.

viernes, 17 de mayo de 2013

FALEMOS GALEGO


Tal día como hoxe ben está lembrar esta canción de A RODA.

lunes, 1 de abril de 2013

Recuperándose


Abrigarse ben, tomar as menciñas 3 veces o día, investir en  sobredoses de TV, beber moita auga, ir da cama para o sofá e viceversa, chamar por teléfono, esperar que baixe a febre, e durmir co ruído de fondo das pisadas de Liam Neeson que corre por Berlín a procura da súa identidade.

miércoles, 27 de marzo de 2013

CINEMANÍA NUMÉRICA (CAPÍTULO FINAL)


SINOPSIS:
Estou facendo unha lista de películas que teñan algún número no título. Trátase de empezar polo cero e ir subindo na escala numérica, poñendo un exemplo de cada e procurando respectar o título orixinal. Excluín curtametraxes,  documentais, series e miniseries.
Aparte do título, entre parénteses vai o director e o ano de realización, e despois algúns dos intérpretes  máis representativos.

 Este é o último capítulo da serie. A lista fíxose un pouco longa e pesada pero as cousas que se empezan débense rematar.        
Recomendacións: “Cincuentas millones y una mujer”, entretida comedia cun atraco polo medio; “Las Vegas, 500 millones”, cinta de acción española que dada a época ofrece un resultado máis que digno; e “La última película”, unha visión en branco e negro, desesperanzadora, da América dos 50.
Atrás queda unha abondosa listaxe de películas, algunhas das cales ben merecen a pena. Pois nada, que desfruten do cine.

·         8 MILLONES DE MANERAS DE MORIR (Hal Ashby, 1986): Andy García, Jeff Brindes, Rosanna Arquette, Randy Brooks, Alexandra Paul.
·         LA HUIDA DE LOS 10 MILLONES DE DÓLARES (James A. Contner, 1991): Gerry Bamman, John Mahoney, Joseph Carberry, Karen Young.
·         CRASH: UN BOTÍN DE CUARENTA MILLONES DE DÓLARES (Charles Wilkinson, 1995): Matt Craven, Leilani Sarelle, Michael Biehn, Kim Coates.
·         CINCUENTA MILLONES Y UNA MUJER (Peter Hall, 1970): Ursula Andress, Stanley Baker, David Warner, Patience Collier.
·         EL SECUESTRO DE LOS CIEN MILLONES (Ismael Rodríguez, 1979): Carmen Salinas, Adalberto Martínez, Eduardo de la Peña, Isabela Corona.
·         127 MILLONES LIBRES DE IMPUESTOS (Pedro Masó, 1980): Fernando Fernán-Gómez, Rafael Alonso, Amparo Baró, Agustín González, Alfonso Del Real.
·         A 400 MILLONES DE KM. DE LA TIERRA (Holger-Madsen, 1918): Gunnar Tolnaes, Lilly Jacobsson, Alfred Osmund, Nils Asther.
·         LAS VEGAS, 500 MILLONES (Antonio Isasi-Isasmendi, 1968): Gary Lockwood, Elke Sommer, Lee J. Cobb, Jack Palance, Jean Servais.
·         MIL MILLONES PARA UNA RUBIA (Pedro Lazaga, 1972): Analia Gadé, Espartaco Santoni, Stephen Boyd, José Luís López Vázquez.
·         EL CEREBRO DE UN BILLÓN DE DÓLARES (Ken Rusell, 1967): Michael Caine, Karl Malden,  Fracoise Dorléac, Ed Begley.

BONUS TRACK:
·         LA ÚLTIMA PELÍCULA (Peter Bogdanovich, 1971): Jeff Bridges, Ben Johnson, Cybill Shepherd, Cloris Leachman.

domingo, 17 de marzo de 2013

XXXIII FEIRA DO VIÑO DE AMANDI


O vindeiro fin de semana (días 23 e 24 de marzo) os amantes do viño e da festa rachada teñen unha cita imprescindible en Sober, na XXXIII Feira do Viño de Amandi.
Haberá bombas de palenque, pregón de David Cal, pasarrúas, folk tradicional con Quempallou, estrea dunha muiñeira pola Banda de Música de Sober, polbo, churrasco, rosca, licor café e,  por suposto, viño.
Como para perdela!!!

miércoles, 13 de marzo de 2013

CINEMANÍA NUMÉRICA (CAPÍTULO 13)


SINOPSIS:
Estou facendo unha lista de películas que teñan algún número no título. Trátase de empezar polo cero e ir subindo na escala numérica, poñendo un exemplo de cada e procurando respectar o título orixinal. Excluín curtametraxes,  documentais, series e miniseries.
Aparte do título, entre parénteses vai o director e o ano de realización, e despois algúns dos intérpretes  mais representativos.

Ben, cada vez queda menos: do  5001 ó millón.
Recomendacións: “20.000 leguas de viaje submarino”, de Richard Fleisher, a mellor adaptación que se fixo da novela de Julio Verne; “Cien mil dólares al sol”, cine francés de aventuras; “Un botín de 500.000 dólares”, con Clint Eastwood, mitad thriller,  mitad road movie; “Un millón en la basura”, entrañable comedia española.


·        5150, CALLE DE LOS OLMOS (Eric Tessier 2009): Marc-André Gronden, Sonia Vachon, Normand Chouinard, Elodie Lariviere.
·         MI PADRE, CALLE ALGUEM 5555 (Egidio Eronico, 2003): Thomas Kretschmann, Charlton Heston, Dense Weinberg, Thomas Heinze.
·         VARSOVIA. AÑO 5703 (Janusz Kijowski, 1992): Lambert Wilson, Hanna Schygulla, Julie Delpy, Pawel Nowisz.
·         6000 ENEMIGOS (George B. Seitz, 1939): Walter Pigdeon, Rita Jonson, Paul Nelly, Harold Huber.
·         7000 DÍAS JUNTOS (Fernando Fernán-Gómez, 1994): José Sacristán, María Barranco, Agustín González, Chus Lampreave, Pilar Bardem.
·         7500 (Takashi Shimizu, 2012): Ryan Kwaten, Amy Smart, Jamie Chung, Leslie Bibb, Christian Serratos.
·         8213: GACY HOUSE (Jim Lewis, Diana Terranova, Sylvia Panacione, Matthew Temple.
·         VUELO IL- 8714 (Norberto López Amado, 2010): Carmelo Gómez, Emma Suárez, Joaquim de Almeida, Luis Callejo.
·         DETROIT 9000 (Arthur Marks, 1973): Alex Rocco, Hari Rhodes, Ella Edwards, Robert Phillips, Vanette Mcgee.
·         10.000 B.C. (Rolan Emmerich, 2008):  Steven Strait, Camilla Belle, Omar Sharif, Tim Barlow, Cliff Curtis.
·         20.000 LEGUAS DE VIAJE SUBMARINO (Richard Fleischer, 1954): Kirk Douglas, James Mason, Robert L. Wilke, Paul Lukas, Peter Lorre.
·         30.000 LEGUAS DE VIAJE SUBMARINO (Gabriel Bologna, 2007): Lorenzo Lamas, Sean Lawlor, Natalie Stone, Michael Power.
·         PAPÁ O LOS 36 MIL JUICIOS DE UN MISMO SUCESO (Leonardo Medel, 2008): Macarena Losada, Mariela Mignot, Willy Semler.
·         PANICO A 40.000 PIES (Robert Butler, 1976): David Janssen, Don Meredith, Ray Milland, Broderick Crawford, Margaret Blye.
·         80000 SOSPECHOSOS (Val Guest, 1963): Richard Johnson, Claire Bloom, Cyril Cusack, Michael Goodlife, Mervyn Johns.
·         CIEN MIL DOLARES AL SOL (Henri Verneuil, 1964): Jean-Paul Belmondo, Lino Ventura, Reginald Kernan, Andrea Parisy, Bernard Blier.
·         LOS ALPES 250.000 DÓLARES (George Englund, 1972): Jean-Claude Killy, Daniele Gaubert, Cliff Potts, Vittorio de Sica, Delia Boccardo.
·         UN BOTÍN DE 500.000 DÓLARES (Michael Cimino, 1974): Clint Eastwood, Jeff Bridges, George Kennedy, Catherine Bach, Gary Busey.
·         UN MILLÓN EN LA BASURA (José María Forqué, 1967): José Luis López Vázquez, Julia Gutiérrez Caba, Juanjo Menéndez, Aurora Redondo.

viernes, 22 de febrero de 2013

CINEMANÍA NUMÉRICA (CAPÍTULO 12)


SINOPSIS:
Estou facendo unha lista de películas que teñan algún número no título. Trátase de empezar polo cero e ir subindo na escala numérica, poñendo un exemplo de cada e procurando respectar o título orixinal.  Excluín curtametraxes,  documentais, series e miniseries.
Aparte do título, entre parénteses vai o director e o ano de realización, e despois algúns dos intérpretes  mais representativos.

Arrincamos este milenio do  2001 ó 5000.
Recomendacións: “2001, Una odisea del espacio”, marcou un antes e un despois na historia da ciencia ficción; unha trama que suscita máis preguntas que as que resolve, unha historia que te obriga a pensar e reflexionar, banda sonora inesquecible e uns efectos especiais que impresionan si temos en conta que é de 1968.  Magnética, simbólica, fascinante, perturbadora, críptica,  imprescindible. A súa continuación é  “2010: odisea dos”, infravalorada  segunda parte porque se compara coa primeira pero para min é unha moi  aceptable película. 

·        2001, UNA ODISEA DEL ESPACIO (Stanley Kubrick, 1968): Keir Dullea, Gary Lockwood,  Daniel Ritcher, Margaret Tyzack.
·        ODISEA CHINA 2002 (Jeffrey Lau, 2002): Tony Leung Chiu Wai, Faye Wong, Zhao Wei, Rebecca Pan.
·        DICK SMART 2007 (Franco Prosperi, 1967): Richard Wyler, Margaret Lee, Alfredo Lenti, Rosana Tabajós.
·        2009: MEMORIAS PERDIDAS (Lee Si-myung, 2002): Dong-Kun Jang, Toru nakamura, Masaaki Daimon, Shohei Imamura.
·        2010: ODISEA DOS (Peter Hyams, 1984):  Roy Scheider, Helen Mirren, Keir Dullea,  John Lithgow, Bob Balaban.
·        2012 (Rolan Emmerich, (2009): John Cusak, Amanda Peet, Oliver Platt, Chiwetel Ejiofor, Danny Glover.
·        2013, RESCATE EN LOS ANGELES (John Carpenter, 1996):  Kurt Rusell, Stacy Keach, Peter Fonda, Pam Grier, Steve Buscemi.
·        2019, TRAS LA CAIDA DE NUEVA YORK (Sergio Martino, 1983): Michael Sopkiw, Valentine Monnier, Edmund Purdom, Anna Kanaki.
·        POLICÍA 2020 (David Richards, 1997): Liam Cunningham, Nick Reding, Rachel Davies, Ken Bradshaw, Saira Todd.
·        2022 TSUNAMI (Toranong Srichua, 2009): Pisarn Srimunkhong, Panudet Wattanasuchat, Prinya Wonqsilp.
·        RECON 2023 (Christian Viel, 2009): Andy Bradshaw, Deke Richards, Valerie Wiseman, Heidi Hawkins.
·        2024, APOCALIPSIS NUCLEAR (L.Q. Jones, 1975): Don Johnson, Jason Robards, Susanne Benton, Tim Mcintire, Helene Winston.
·        KICKBOXER 2025 (Damian Klaus, 1991): Don Wilson, Meg Foster, Chris Penn, Jeff Pomerantz, Linda Dona.
·        2033 (Francisco Laresgoiti, 2009): Raúl Méndez, Sandra Echeverría, Marco Treviño, Ariane Pellicer, Claudio Lafarga.
·        EURIDICE BA 2037 (Nikos Nikolaidis, 1975): Vera Tschechowa, John Moore, Niké Triantafillidi.
·        2046 (Wong Kar-Wai, 2004): Tony Leung Chiu Wai, Gong Li, Faye Wong, Zhang Ziyi.
·        LOVE STORY 2050 (/Harry Baweja, 2008): Harman Baweja, Priyanka Chopra, Karan Mehra, Boman Irani.
   LOS GUERREROS DEL AÑO 2072 (Lucio Fulci, 1984): Jared Martin, Fred Williamson, Eleanora Brigliadori,  Howsard Ross.
·         2084 (George Blumetti, Maurice Nelly, 2010): Betsy Baker, Billy West, Time Winters, Jaime Paige.
·         2086, APOCALIPSIS (Ian Barry, 1996): James Renar, Kyle Howard, James Tolkan, Bernard Kates.
·         ODISEA 2100: EL AÑO QUE LLEGARON A LA TIERRA (Mike Gray, 1983): Cherie Currie, Eric Morris, Robert  Carradine, Keenan Wynn.
·         2150 A.D. LOS DALEKS INVADEN LA TIERRA (Gordon Flemyng, 1966): Peter Cushing, Bernard Cribbins, Roberta Tovey, Andrew Keir.
·         NEXUS 2431 (José María Forqué, 1993): Oliver Tobias, Jeremy Gilley, Oona Kirsch.
·         2600 METROS ( Roberto Flores Prieto, 2005): Alvaro Bayona, Fabio Rubiano, Jorge Herrera, Katherine Vélez, Jairo Camargo.
·         MR. 3000 (Charles Stone III, 2004): Bernie Mac, Angela Bassett, Paul Sorvino, Brian J, White.
·         3615, CODIGO PAPA NOEL (René Manzor, 1990): Alain Musy, Louis Ducreux, Patrick Floersheim, Brigitte Fossey.
·         4000 EUROS (Richard Jordan, 2008): Marta Larralde, Alberto López, Charo Sánchez Casado, Aníbal Soto.
·         LOS 5.000 DEDOS DEL DR. T (Roy Rowland, 1953): Peter Lind Hayes, Mary Healy,  Hans Conried, Tommy Rettig.

jueves, 7 de febrero de 2013

CARTEIRO HONORARIO

Noticia de última hora:
Correos vai nombrar a Luis Bárcenas Carteiro Honorario, porque seica é o que máis sobres reparte.

jueves, 17 de enero de 2013

Reflexión pictórica







O pintor
de brocha gorda
mirou a parede
e pensou:
para desgustos píntanse cores.








lunes, 14 de enero de 2013

CINEMANÍA NUMÉRICA (CAPÍTULO 11)


SINOPSIS:
Estou facendo unha lista de películas que teñan algún número no título. Trátase de empezar polo cero e ir subindo na escala numérica, poñendo un exemplo de cada e procurando respectar o título orixinal.  Excluín curtametraxes,  documentais, series e miniseries.
Aparte do título, entre parénteses vai o director e o ano de realización, e despois algúns dos intérpretes  mais representativos.

Nesta ocasión a lista vai de 1951 a 2000.
Recomendacións:   “Melodía de Broadway 1955”, outro gran musical de Fred Astaire; “Europa 1951”, das mellores películas de Rossellini cunha Ingrid Bergman impresionante; “1984”, aceptable adaptación da novela de George Orwell, película sinxela, de escaso presuposto, pero que ten ese regusto do cine clásico; “Madrid, 1987”, obra persoal e arriscada de David Trueba.

·        EUROPA 1951 (Roberto Rosellini, 1951): Ingrid Bergman, Alexander Knox, Teresa Pellati, Ettore Giannini, Sandro Franchina.
·        1952: IVAN Y ALEXANDRA (Ivan Nitchevi, 1989): Kliment Corbadziev, Monika Budjanova, Simeon Savor, Maria Statoulova.
·        EL FRIO VERANO DE 1953 (Aleksandr Proshkin, 1987): Valeri Priyomykhov, Nina Usatova, Anatoli Papanov, Zoya Buryak.
·        MELODÍAS DE BROADWAY, 1955 (Vincente Minnelli, 1953): Fred Astaire, Cyd Charisse, Jack Buchanan, Nanette Fabray.
·        SEXTO A 1965 (Claudio Di Girolamo, 1985): Roberto Parada, Elsa Pobrete, Héctor Noguera, Hernán Vallejo.
·        LA DIOSA DE 1967 (Clara Law, 2000): Rose Byrne, Nicholas Hope, Rikiya Kurokawa, Tina Bursill.
·        1968 RATAS DE TUNEL (Uwe Boll, 2008): Michael Paré, Rocky Marquette, Brandon Fobs, Wilson Bethel.
·        1969 (Ernest Thompson, 1988): Robert Downey Jr., Kiefer Sutherland, Bruce Dern, Joanna Cassidy, Winona Ryder, Christopher Wynne.
·        FRANKENSTEIN 1970 (Howard W. Koch, 1958): Boris Karloff, Jana Lund, Tomm Duggan, Charlotte Austin.
·        DRACULA A.D. 1972 (Alan Gibson, 1972): Christopher Lee, Peter Cushing, Stephanie Beacham, Michael Coles, William Ellis.
·        DON JUAN 1973 (Roger Vadim, 1973): Brigitte Bardot, Robert Hossein, jane Birkin, Maurice Ronet.
·        RED RIDING, 1974 (Julian Jarrold, 2009: Andrew Garfield, Sean Bean, Rebeca Hall, John Henshaw, Warren Clarke.
·        AEROPUERTO 1975 (Jack Smight, 1974): Charlton Heston, Karen Black, George Kennedy, Susan Clark, Gloria Swanson.
·        BERLIN 1976 (Peter Duffell, 1976): Telly Savalas, James Mason, Robert Culp, Adrian Hoven, Wolfgang Luckschy.
·        EXAMEN 1977 (Jiang Haiyang, 2009): Wang Xue-bing, Sun Hai-ying, Zhou Xian-xin, Zhao You-liang.
·        RED RIDING, 1980 (James Marsh, 2009): Warren Clarke, Paddy Considine, James Fox, Maxine Peake, David Calder.
·        1981 (Ricardo Trogi, 2009): Jean-Carl Boucher, Sandrine Bissom, Claudio Colangelo, Marjolaine Lemieux.
·        1982, ESTUVIMOS AHI (Fernando Acuña, César Turturro, 2004): Jorge Batalla, Carlos Fonseca, Julio Bianchimano, Robi Batalla.
·        RED RIDING, 1983 (Anand Tucker, 2009): David Morrissey, Lisa Howard, Chris Walker, Sean Bean, Shaun Dooley.
·        1984 (Michael Anderson, 1956): Edmond O’Brien, Michael Redgrave, David Kosoff, Jan Sterling, Donald Pleasance.
·        GODZILLA 1985): Koji Hashimoto, 1984): Raymond Burr, Yasuko Sawaguchi, Ken Tanaka, Keiju Kobayashi.
·        MADRID, 1987 (David Trueba, 2012): José Sacristán, María Valverde, Eduardo Antuña, Ramón Fontseré.
·        KAMIKAZE 1989 (Wolf Gremm, 1982): Rainer Werner Fassbinder, Boy Gubert, Brigitte Mira, Gunther Kaufmann.
·        1990: LOS GUERREROS DEL BRONX (Enzo G. Castellari, 1983): Vic Morrow, Christopher Connelly, Stefanía Girolani, Fred Williamson, Mark Gregory.
·        AMITYVILLE 1992 (Tony Randel, 1992): Stephen Macht, Megan Ward, Damon Martin, Shaw Weatherly.
·        AMITYVILLE 1993: EL ROSTRO DEL DIABLO (John Murlowski, 1993): Ross Partrigde, Lala Sloatman, Barbara Howard, David Naughton.
·        1994 BAKER STREET: EL REGRESO DE SHERLOCK HOLMES (Kenneth Johnson, 1993): Anthony Higgins, Debrah Farentino, Joy Coqhill, Eli Gabay.
·        1997: RESCATE EN NUEVA YORK (John Carpenter, 1981): Kurt Rusell, Lee Van Cleef, Ernest Borgnine, Donald Pleasance.
·        CURSO 1999 (Mark L. Lester, 1999): Bradley Greg,  Malcolm Mcdowell, Stacy Keach, Traci Lind, Pam Grier.
·        HOLOCAUSTO 2000 (Alberto de Martino, 1977): Kirk Douglas, Simon Ward, Anthony Quayle, Agostina Belli.