ti les un manual de
supervivencia
para os cazadores
de recompensas
mentres eu pregunto
onde
enterramos os nosos
xoguetes
agora que case non
recoñezo
as miñas lembranzas
esta tarde tan só
se admiten
proposicións serias
a querela dun
suicida
que trae o sámago
entre os dentes
desconxelar versos
do frigorífico
ou saltar pola
xanela
á procura do pasado
agora que están
parados
tódolos reloxos
Do libro "Nas esquinas do frío"
No hay comentarios:
Publicar un comentario