sábado, 4 de octubre de 2014

"SALSEIROS" DE SUSO LISTA



Coñecín a Suso Lista fará uns sete anos no mundo, agora en decadencia, dos blogs. Daquela eu empezaba coa “Cova do raposo” e Suso tiña a bitácora “Suso Lista, percebeiro do Roncudo” na que nos deixaba historias cheas de humor, filosofía e retranca galega.  Despois púxenlle cara na serie de V Televisión “Para mariñeiros nós” onde el , Pinto, xunto con Cobiñas argallaban as máis variopintas historias mentres trasfegaban  “SolySombra” sen parar.
Agora vén de publicar o libro “Salseiros” no que se recollen moitos dos relatos curtos que xa publicara no blog. Onte estívoo presentando  na Casa do Libro en Vigo. Eu non podía faltar e non faltei. Así aproveitei para coñecelo en persoa e para que me dedicara o libro. Suso é un cachondo, un percebeiro, un filósofo da costa, un actor, pero sobre todo é un excelente narrador das pequenas cousas que pasan en Corme, como podían pasar en calquera outro pobo de Galiza.
“Salseiros” está cheo de agudeza, ironía, humor, tenrura, historias tráxicas ou  cómicas, reais ou inventadas, pero todas coa boa prosa de quen sabe o oficio. “Salseiros”, libro totalmente recomendable.
Estades avisados.

4 comentarios:

Chousa da Alcandra dijo...

Suso é un dos nosos.
Eu coñecino tal cal ti contas. Agora, de cando en vez, facémonos algunha chiscadela a través do Twitter tamén.
Sabía da publicación do seu libro, pero agora que, ademais, o recomendas ti...hai que ir por el.

Raposo dijo...

No libro saen moitos dos relatos que Suso puxo no blog.
así que tamén estás en Twitter, Chousa. Vaia, vaia, vou mirar.

mariola dijo...

Á verdade é que o presentas moi ben.
Seguro que é un bo libro. Estarei atenta por si podo mercalo.
Quédome cunha cousa que me gustou do que dixeches de suso, que é un filósofo da costa.
un biquiño.

paideleo dijo...

Eu merqueino esta semana !. Non sabía nada de que ía estar en Vigo senón acercábame. Comentaba no meu blogo e eu no del e flipaba de como escribía. Ía ir á reunión de blogueiros de Agolada e ao final non puido ir e perdín de coñecelo en persoa.
Será noutra ocasión.