Agora
que estamos de volta de nada
baixo
a costa de xaneiro
buscando
refuxio na intemperie.
Porque
estamos de volta de nada
remexo
nas rebaixas á procura
dun
sorriso que me protexa da friaxe,
uns
zapatos para desandar a crise,
un
buzón de voz onde gardar
os
silencios que non sei escribir,
un
mapa do teu corpo,
un
espello no que envellecer xuntos,
un
pasaporte para viaxar á república da utopía,
un
rock and roll que inxectar ás veas,
un
catálogo de antídotos contra a ausencia
e un
reloxo de peto no que descontar as horas
que
faltan para verte.
Do libro "Territorios estraños"
Do libro "Territorios estraños"
3 comentarios:
Como di miña nai: Compra muito e gasta pouco.
Bo consello o de Paideleo. En todo caso seguro que ese mapa do "seu" corpo non che fai falla. Aínda que te perdas nel...
Apertas de xaneiro
pero iso que ti dis son artículos de luxo, non atoparás nas rebaixas...
xa é un luxo desexalos.
:)
Publicar un comentario