jueves, 29 de agosto de 2019

Weekend: sábado noite



Deixar ca bebida esvare
na gorxa ousada e sedenta
saudar, facer amigos, sorrir
falar de cousas sen senso
ser conquistador entre as rapazas
ser filósofo na porta dos WC.

Berrarlle os escaparates
que venden mellor e máis barato
e despois fuxir do acoso
das fiestras alumeadas
camiñar ledo e sen vergoña
e cambalear de cando en vez.

E máis tarde co apuro
do albor sobre as costas
cando xa toquen fondo diñeiro e tabaco
cando o cansazo suba polas pernas
e navegue polos ollos
cando a luz dea medo
e o centro de gravidade non exista
acercarse ó derradeiro garito aberto
para seguir bebendo o necesario alcol
que faga realidade o naufraxio
dun sábado calquera pola noite.

                             Do poemario "A pel no asfalto", incluido no libro "Zocas e decibelios"

2 comentarios:

paideleo dijo...

Teño que facerme con este libro.
Onde o venden en Vigo ?.

Raposo dijo...

Ola, Paideleo, o libro que publiquei fai uns anos, "Territorios estraños", téñeno na libreria Cartabón en Vigo. Este último "Zocas e decibelios" so se vende dende a librería Agrasar de Monforte de Lemos. Pero si queres tamén cho podo mandar eu por Correos. So tes que dicirmo. Grazas polo interés.